Georg prins skírður í dag

Prins Georg, hinn þriggja mánaða gamli ríkisarfi í Bretlandi, verður skírður við hátíðlega athöfn í St. James Palace í London í dag.

Foreldarnir, þau Vilhjálmur Bretaprins og Katrín hertogaynja, hafa nú þegar skýrt frá því að sjö nánir vinir þeirra og fjölskyldunnar verði guðforeldrar piltsins.

Þeir eru: Oliver Baker, sem er vinur þeirra frá háskólaárunum í St. Andrews, Emilia Jardine-Paterson, sem er skólafélagi Katrínar frá Marlborough College, jarlinn af Grosvenor, sem er sonur hertogans af Westminster, Jamie Lowther-Pinkerton, fyrrverandi einkaritari foreldra prinsins, Julia Samuel, sem var vinkona Díönu prinsessu, Zara Phillips, sem er frænka Vilhjálms, og William van Cutsen, æskuvinur Vilhjálms.

Það verður erkibiskupinn af Kantaraborg sem skírir piltinn.

Fjölmargir heitir aðdáendur konungsfjölskyldunnar hafa safnast saman í London í von um að sjá einhverjum úr fjölskyldunni bregða fyrir.