ESB segir Spánverjum og Bretum að vinna saman

Framkvæmdastjórn Evrópusambandsins kvað í gær upp þann úrskurð að Spánverjar hafi verið í fullum rétti þegar þeir tóku upp hert landamæraeftirlit við Gíbraltarhöfða fyrr á árinu.

Hins vegar sagði framkvæmdastjórnin að nú þurfi bæði Spánverjar og Bretar að leggja eitthvað á sig til að leysa deiluna.

Spánverjar þurfi að sjá til þess að umferð gangi greiðlega fyrir sig, en Bretar þurfi að efla eftirlitið Gíbraltarmegin landamæranna og hjálpa til við að koma í veg fyrir tóbakssmygl.