Fótbolti

Fjórar breytingar á liði Íslands

Eiríkur Stefán Ásgeirsson skrifar
Glódís Perla og Sara Björk eru báðar á bekknum í dag. Hér eru þær í leiknum gegn Bandaríkjunum á miðvikudag.
Glódís Perla og Sara Björk eru báðar á bekknum í dag. Hér eru þær í leiknum gegn Bandaríkjunum á miðvikudag. Mynd/AP
Katrín Jónsdóttir leikur í kvöld sinn 123. landsleik þegar að Ísland mætir Svíþjóð í Algarve-keppninni í Portúgal.

Katrín var hvíld í fyrsta leiknum en þá tapaði Ísland fyrir Bandaríkjunum, 3-0. Glódís Perla Viggósdóttir, sem er aðeins sautján ára, stóð sig þó vel í fjarveru hennar.

Edda Garðarsdóttir kemur einnig inn í byrjunarliðið og leikur því sinn 99. landsleik.

Þá koma Rakel Hönnudóttir og Sandra María Jessen inn í byrjunarliðið en þær Fanndís Friðriksdóttir, Hólmfríður Magnúsdóttir og Sara Björk Gunnarsdóttir eru á bekknum í dag.

Byrjunarlið Íslands:

Markvörður: Þóra Helgadóttir

Hægri bakvörður: Dóra María Lárusdóttir

Vinstri bakvörður: Hallbera Guðný Gísladóttir

Miðverðir: Sif Atladóttir og Katrín Jónsdóttir, fyrirliði

Tengiliðir: Edda Garðarsdóttir og Katrín Ómarsdóttir

Hægri kantur: Rakel Hönnudóttir

Vinstri kantur: Sandra María Jessen

Sóknartengiliður: Dagný Brynjarsdóttir

Framherji: Harpa Þorsteinsdóttir

Fótbolti

Mest lesið


Fleiri fréttir

Sjá meira


×

Mest lesið