Bandarísku forsetahjónin skiptu um sæti

Bandaríska forsetafrúin Michelle Obama leit ekki út fyrir að vera ánægð með uppátæki eiginmanns síns, Barack Obama Bandaríkjaforseta, við minningarathöfn Nelson Mandela í gær.

Eins og fram hefur komið í fréttum Vísis smelltu þau Obama, David Cameron forsætisráðherra Bretlands og Helle Thorning-Schmidt, forsætisráðherra Danmerkur sjálfsmynd (e.selfie) af sér saman á meðan á minningarathöfninni stóð.

Á einhverjum tímapunkti skiptu þau Obama hjón um sæti og Michelle settist á milli Thorning-Schmidt og eiginmanns síns.

Frá þessu er greint á vefsíðunni The Pundit Press en þar segir að ekki sé vitað um ástæður sætaskiptanna. En myndirnar af hjónunum þykja segja sína sögu.