Rooney kallaði Souness "Súrness" á twitter

Wayne Rooney var ekki sáttur við þá Martin Tyler og Graeme Souness sem lýstu leik Manchester United og Cardiff City í ensku úrvalsdeildinni í gær en Cardiff tryggði sér 2-2 jafntefli í blálokin.

Rooney skoraði fyrra mark Manchester United og lagði upp það síðara en hefði líklega ekki átt að vera inn á vellinum eftir gróft brot á Jordon Mutch í fyrri hálfleiknum.

Rooney skrifaði um þá Martin Tyler og Graeme Souness á twitter-síðu sinni eftir að hafa horft aftur á leikinn.

„Horfði á leikinn. Ég er sammála því að þetta var slæm tækling hjá mér en dómarinn tók á því. Martin Tyler hætti hinsvegar ekki að tala um þessa tæklingu allan leikinn," skrifaði Wayne Rooney.

„Seinna í leiknum er maður sleginn í andlitið og þá segir hann ekkert. Mér líkar við Martin en þetta var lélegt hjá honum," skrifaði Rooney.

Rooney notaði tækifærið til að skjóta aðeins á Graeme Souness sem er fyrrum stjóri Liverpool. Rooney breytti aðeins nafninu hans Souness og skrifaði hann alltaf sem Sourness eða "Súrness".

Það er hægt að skoða twittersíðu Wayne Rooney með því að smella hér og fyrir ofan má smella á myndband af mörkunum í leiknum.