Dýrasti demantur í heimi

Demanturinn „Bleika stjarnan“ sló met í svissnesku borginni Genf í gær þegar hann seldist á áttatíu og þrjár milljónir dollara eða rúma sextán milljarða íslenskra króna. Demanturinn er 59.60 karöt og sá langstærsti í sínum flokki, svo vitað sé. Sá sem næstur kemur er ekki hálfdrættingur á við „Bleiku stjörnuna“.

Steinninn er 2,69 sinnum 2.06 sentimetrar að stærð og tæpp 12 grömm á þyngd. Verðið á steininum fór fram úr björtustu vonum en búist hafði verið við því að hann seldist á um 60 milljónir dollara.

Áður en „Bleika stjarnan“ var skorinn eftir kúnstarinnar reglum var steinninn 132 karöt, en hann fannst í námu De Beers fyrirtækisins í Afríku árið 1999.