Ferdinand: England getur unnið HM

Varnarmaðurinn  Rio Ferdinand, leikmaður Manchester United, vill meina að enska landsliðið geti unnið heimsmeistaramótið í Brasilíu á næsta ári.

Ferdinand bendir á afrek Grikkja árið 2004 þegar liðið vann Evrópumótið er mótið fór fram í Grikklandi.

„Leikmenn enska landsliðsins fara á HM á næsta ári til að vinna mótið, það er á hreinu,“ sagði Ferndinand í samtali við BT Sports.

„Það töldu allir að Grikkir ættu engan möguleika árið 2004 en þeir komu öllum á óvart. Við þurfum vissulega heppni með okkur í lið og eiga ávallt góða leiki en þetta er alltaf möguleiki.“

Ferdinand hætti með landsliðinu árið 2011 eftir að hafa leikið 81 leik með enska landsliðinu.