Át hundinn sem bjargaði lífi hans

Kanadískur göngugarpur fannst á lífi eftir að hafa verið týndur í þrjá mánuði í óbyggðum Kanada. Hann varð fyrir árás skógarbjörns sem eyðilagði allan búnað hans og skildi hann eftir í baráttu upp á líf og dauða.

Marco Lavoie var á ferðalagi ásamt hundi sínum þegar skógarbjörninn gerði árás. Hundurinn bjargaði lífi mannsins en saman tókst þeim að fæla skógarbjörninn í burtu.

Hundurinn lifði vistina í óbyggðunum ekki af og telja heimilarmenn kanadískra fjölmiðla líklegt að Lavoie hafði borðað hundinn og bjargvætt sinn til að lifa af. Lavoie var kaldur og hrakinn þegar hann fannst en leit að manninum hófst fyrir tveimur vikum eftir að ekkert hafði spurst til hans.

Lavoie ætlaði í tveggja mánaða kajak ferð á Nottaway-á og átti ferðin að standa yfir í tvo mánuði. Maðurinn er stálheppinn að lifa af og var verulega vanærður þegar hann fannst. Hann átti jafnframt erfitt með að ræða við þá sem björguðu honum.

„Þetta gæti orðið að bíómynd einn daginn, kannski með Tom Hanks,“ segir Ronald McInnis hjá lögreglunni í Quebec.