Bill de Blasio verður næsti borgarstjóri í New York

Demókratinn Bill de Blasio virðist hafa farið með öruggan sigur af hólmi í borgarstjórakosningunum í New York í gær. Hann tekur því við af forvera sínum, Michael Bloomber og verður fyrsti demókratinn til þess að stjórna þessari miklu stórborg í tvo áratugi.

Og demókratar voru víðar sigursælir því Terry MaAuliffe verður næsti ríkisstjóri Virginíu eftir að hafa unnið nauman sigur á Repúblikananum Ken Cuccinelli. Kosið var var um ríkisstjóra og þingsæti á nokkrum stöðum í Bandaríkjunum í gær og er þetta fyrsta kosningalotan þar í landi frá því Barack Obama forseti náði endurkjöri.