Stuðningur við dauðarefsingar ekki verið minni í meira en fjörutíu ár

Stuðningur Bandaríkjamanna við dauðarefsingar hefur ekki mælst lægri í meira en fjörutíu ár. Samkvæmt könnun Gallup sem birt var í gær styðja 60 prósent Bandaríkjamanna dauðarefsingar, en sá stuðningur hefur farið lækkandi síðan árið 1972. Þá mældist stuðningur við dauaðrefsingar 80 prósent, sá hæsti síðan mælingar hófust.

Stuðningurinn er mismunandi eftir flokkslínum, en 81 prósent kjósenda Repúblikanaflokksins styðja dauðarefsingar á meðan 47 prósent kjósenda Demókrataflokksins gera það, og 60 prósent óháðra.

Að sögn yfirmanna Gallup er talið að þessa lækkun megi rekja til síðustu aldamóta þegar í ljós kom að nokkrir fangar sem teknir höfðu verið af lífi reyndust saklausir af meintum glæpum sínum.

22 prósent þeirra sem svöruðu sögðu dauðarefsingu ofnotaða, 26 prósent sögðu hana notaða hæfilega oft, en 44 prósent töldu hana ekki notaða nógu oft.