Myndband vekur upp reiði netverja

„Það þarf að slá svona vitleysinga utan undir," segir einn af fjölmörgum notendum samskiptasíðunnar Twitter um myndband þar sem tveir unglingar sjást hrinda skemmtikrafti í miðborg Birmingham á Englandi.

Í myndbandinu sést unglingur hrinda skemmtikrafti um koll, og hlaupa síðan í burtu hlæjandi. Skemmtikrafturinn dettur á litla stúlku sem stendur fyrir framan hann.

Lögreglan í Birmingham segist ekki enn hafa borist kæra frá skemmtikraftinum, og því sé gerandans ekki sérstaklega leitað. Fjölmargar kvartanir hafi þó borist.

Svo virðist sem netverjar hafi tekið málið í sínar hendur og er töluvert fjallað um málið á Twitter. Þeir telja að hegðun drengjanna sé óafsakanleg. Þá hefur fréttasíðan IamBirmingham.co.uk vakið athygli á málinu. 

Myndbandið má sjá hér fyrir neðan.