Kjarreldar kviknuðu í kjölfar heræfingar

Rannsókn hefur leitt í ljós að heræfing í síðustu viku olli því að miklir kjarreldar kviknuðu vestur af Sydney.

Margir aðrir eldar hafa einnig lokað á þessum slóðum undanfarna daga vegna erfiðra veðurskilyrða, mikilla hita og þurrka.

Þessi tiltekni eldur kviknaði hins vegar á æfingasvæði ástralska hersins og varð einn af þeim stærstu, lagði undir sig alls 47 þúsund hektara af kjarrlendi.

Ástralski herinn hefur ekki viljað staðfesta þetta, en rannsókn slökkviliðs sýnir að eldarnir kviknuðu eftir að hermenn höfðu verið að æfa sig með sprengjuefni.

Frá þessu er skýrt á vefsíðu ástralska dagblaðsins The Sydney Morning Herald.

Fullyrt er að yfirmenn í hernum  hafi fengið ábendingar um að eldvörnum hafi verið ábótavant þegar æfingarnar voru gerðar, en allar viðvaranir hafi verið virtar að vettugi.