Hvað velja dauðadæmdir fangar sem síðustu máltíð?

Síðasta máltíð dauðadæmdra fanga í Flórída hefur verið allt frá humri til kaffibolla. Allir dauðadæmdir fangar í Flórída eiga rétt á að velja sér sína síðustu máltíð, en hún má ekki kosta meira en 40 dollara. Það samsvarar 4.800 hundrað krónum. Frá þessu er sagt á vef Daily Mail.

Sömuleiðis verður máltíðin að vera elduð í fangelsinu og keypt á heimasvæði.

Oftast velja fangar mikilfenglegar máltíðir en af og til velja fangarnir sér einfalda máltíð eins og samlokur eða jafnvel eingöngu kaffibolla. Það gerði raðmorðinginn Aileen Wuornos, en myndin Monster með Charlize Theron í aðalhlutverki var byggð á sögu hennar.

Þegar William Happ var aflífaður bað hann um konfekt og mikið af ís sem sína síðustu máltíð. Clarence Hill og Angel Nieves Diaz báðu báðir um taco og Oba Chandler bað um samloku með salami og samloku með hnetusmjöri og sultu.

Morðinginn John Spenkelink, sem var fyrsti fanginn sem var tekinn af lífi eftir að hæstiréttur Bandaríkjanna afnumdi bann gegn dauðadómum, var drukkinn þegar hann var tekinn af lífi en hann deildi flösku af Jack Daniels með fangaverði fyrir aftökuna. Síðan þá hefur Flórída bannað áfengi sem síðustu máltíðina.

Allen Lee Davis valdi sér stóra og mikilfenglega máltíð sem innihélt humar, steiktar kartöflur, djúpsteiktar rækjur, skelfisk, hvítlauksbrauð og rótarbjór áður en hann var tekinn af lífi.