Naut stangaði umferðalögreglu

Íbúar í bænum Braila í Rúmeníu fengu krefjandi verkefni í vikunni þegar þeir þurftu að yfirbuga naut sem gekk laust í miðbæ bæjarins. Nautið stangaði meðal annars umferðalögreglu sem stýrði umferð. Lögreglumaðurinn var fluttur á sjúkrahús en meiðsli hans reyndust ekki alvarleg.

Nautið slapp af sveitabæ í nágrenni bæjarins og endaði í miðbænum. Bæjarbúum tókst að lokum að króa nautið af í hliðargötu og deyfilyfi skotið í það. Lögreglan rannsakar málið og hvernig nautið endaði í miðbænum. 

Hér að neðan má sjá myndband af ævintýrum nautsins og þegar það stangar umferðalögreglumanninn.