Stærsti maður heims í það heilaga

Tyrkinn Sultan Kosen, háxavnasti maður heims, gifti sig um helgina. Kosen, sem er þrítugur að aldri, gekk að eiga hina 21 árs gömlu Merve Dibo. Kosen er 2,47m á hæð en eiginkona hans 1,75m á hæð.

Sultan var útnefndur hæsti maður heims árið 2009 af Heimsmetabók Guinness. Hann sagði við það tilefni að honum hefði gengið erfiðlega að eignast kærustu vegna hæðar sinnar. Ástin hefur hins vegar fundið leið sína til Sultan sem gekk í það heilaga um helgina.

Hjónin hittust aðeins fyrir tveimur mánuðum og var það ást við fyrstu sýn. „Þegar ég horfði í augu hennar þá vissi ég að ég væri ástfanginn,“ sagði Kosen. „Allir sögðu mér að giftast honum ekki vegna hæðar hans en ég féll fyrir hjarta hans. Hæð hans truflar mig ekki,“ segir Merve.

Um 1.500 manns voru viðstaddir brúðkaup þeirra. Þau ætla að setjast að í bænum Dede köy þar sem þau munu búa í húsi sem er sérstaklega byggt með hæð Kosen í huga. Kosen kom hingað til lands árið 2009 og koma hans talsverða lukku.