Sylvester Stallone opnar listasýningu

Sylvester Stallone hefur opnað listasýningu með abstrakt verkum sínum á safni í Pétursborg. Þúsund manns biðu í röð á opnunardegi sýningarinnar eftir að fá að berja verk hasarmyndahetjunnar augum.

Sýningin ber heitið Sylvester Stallone Art. 1975-2013 og hefur myndum hans verið vel tekið af safnvörðum safnsins sem er stærsta safn rússneskra lista í heiminum. Vladimir Gusev, forstöðumaður safnsins, sagði verk hans sýna persónuleika ástríðufulls manns. „Þetta er raunverulegur listamaður,“ sagði hann. Stallone var hæstánægður þegar hann opnaði sýninguna og sagði það heiður að sýna verk sín í hinni sögufrægu borg. „Ég vona að ykkur líki myndirnar mínar,“ sagði hann á blaðamannafundi. „Ég elska ykkur öll.“

Leikarinn, sem er 67 ára, myndi heldur vilja verja lífinu í það að teikna og í það að skapa höggmyndir heldur en að leika í hasarmyndum. En hann er aðallega þekktur fyrir hlutverk sín í myndunum Rambo og Rocky. „Ef heimsókn mín er erfið fyrir einhvern, þá er það bara þannig,“ sagði Stallone er hann var spurður um skoðanir ýmissa manna á veru hans í safninu.

En menn úr Kommúnistaflokknum í Rússlandi hafa látið hafa það eftir sér að sýning verka Stallones sé skrípaleikur.

Myndir sem teknar voru við opnun sýningarinnar má sjá í safninu hér að ofan.

.