Örvæntingarfullir hermenn fara í fitusog

Fjöldi bandarískra hermanna hefur í örvæntingu sinni farið í fitusog til þess að falla ekki á fitumælingarprófi að sögn lækna.

Sumir hermannana segjast ekki eiga annarra kosta völ því aðferðir varnarmálaráðuneytisins við fitumælingar séu ónákvæmar. Þær útiloki ekki einungis skvapkennda heldur einnig vöðvamikla.

„Þeir koma í örvæntingu sinni til mín, hræddir um að útkoma fitumælingarinnar minnki möguleika þeirra á að vera hækkaðir í tign,“ segir lýtalæknirinn Adam Tattelbaum sem starfar í Maryland.

Þeir sem falla á prófinu eru sendir í strangar æfingabúðir sem hermennirnir kalla Kleinuhringjahersveitina. Falli þeir á prófinu þrisvar sinnum getur þeim verið vísað úr hernum.