Erlent

33 látnir eftir sprengju í Pakistan

Gunnar Valþórsson skrifar
Sprengja sprakk í Pakistan.
Sprengja sprakk í Pakistan. Mynd/AP
Að minnsta kosti þrjátíu og þrír eru látnir og tugir liggja sárir eftir að öflug sprengja sprakk á markaði í borginni Peshawar í Pakistan í morgun.

Mikil óöld hefur geisað í Peshawar síðustu daga en aðeins vika er síðan áttatíu brunnu inni í kirkju þegar tveir menn sprengdu sig þar í loft upp. Og á föstudag fórust sautján þegar langferðabíll var sprengdur í loft upp í úthverfi borgarinnar.

Talíbönum er kennt um árásirnar en sprengjan í morgun sker sig nokkuð úr því ekki var um sjálfsmorðsárás að ræða, heldur virðist sprengjan hafa verið sprengd með fjarstýringu.



Fleiri fréttir

Sjá meira


×