Swansea pakkaði Valencia saman á Mestalla

Swansea City byrjaði frábærlega í riðlakeppni Evrópudeildar UEFA í fótbolta í kvöld þegar liðið burstaði spænska liðið Valencia 3-0 á útivelli. Ólafur Ingi Skúlason og félagar í Zulte Waregem gerðu á sama tíma markalaust jafntefli á móti Wigan á heimavelli.

Wilfried Bony skoraði fyrsta mark Swansea á 14. mínútu eftir skyndisókn og sendingu frá Michu en staðan var 1-0 í hálfleik. Valencia hafði misst Adil Rami af velli með rautt spjald strax á 10. mínútu leiksins.

Michu skoraði annað markið á 58. mínútu eftir sendingu frá Alejandro Pozuelo og aðeins fjórum mínútum bætti Jonathan de Guzman við flottu marki með skoti beint úr aukaspyrnu.

Michael Laudraup, knattspyrnustjóri Swansea. þekkir greinilega vel til í spænska boltanum en hann þjálfaði lengi í deildinni.

Ólafur Ingi Skúlason lék allan leikinn með Zulte Waregem í 0-0 jafntefli á móti Wigan á heimavelli.  

PSV Eindhoven tapaði á heimavelli á móti Ludogorets Razgrad frá Búlgaríu og danska liðið Esbjerg vann 2-1 sigur á Standard Liege á útivelli.

Jonathan Soriano skoraði þrennu fyrir austurríska liðið Red Bull Salzburg í 4-0 sigri á sænska liðinu Elfsborg.



Úrslit og markaskorarar í Evrópudeild UEFA í kvöld:

Leikir klukkan 17.00

A-riðill

Valencia - Swansea City    0-3    

0-1 Wilfried Bony (14.), 0-2 Michu (58.), 0-3 Jonathan de Guzmán (62.)

St. Gallen - FC Kuban    2-0    

1-0 Ivan Martić (56.), 2-0 Marco Mathys (76.)

B-riðill

Dinamo Zagreb - Chernomorets Odessa    1-2    

1-0 Junior Fernándes (43.), 1-1 Oleksiy Antonov (62.), 1-2 Franck Dja Djédjé (65.)

PSV Eindhoven - Ludogorets Razgrad    0-2     

0-1 Roman Bezjak (60.), 0-2 Virgil Misidjan (74.)

C-riðill

Salzburg - Elfsborg     4-0    

1-0 Alan (36.), 2-0 Jonathan Soriano (44.), 3-0 Jonathan Soriano (69.), 4-0 Jonathan Soriano (79.).

    

Standard Liege - Esbjerg    1-2            

0-1 Mick van Buren (63.), 1-1 Geoffrey Mujangi Bia (73.), 1-2 Mushaga Bakenga (90.).

D-riðill

Zulte Waregem - Wigan Athletic    0-0

        

Maribor - Rubin Kazan    2-5    

0-1 Gökdeniz Karadeniz (23.), 0-2 Iván Marcano (27.), 1-2 Martin Milec (35.), 1-3 Roman Eremenko (69.), 2-3 Nusmir Fajic (73.), 2-4 Salomón Rondón. (90.), 2-5 Aleksandr Ryazantsev (90.).

E-riðill

Fiorentina - Pacos Ferreira    3-0   

1-0 Gonzalo Rodríguez (30.), 2-0 Ryder Matos (67.), 3-0 Giuseppe Rossi (76.),

    

Pandurii Targu Jiu - Dnipro    0-1

0-1 Ruslan Rotan (38.)

F-riðill

Eintracht Frankfurt - Bordeaux    3-0    

1-0 Václav Kadlec (4.), 2-0 Marco Russ (16.), 3-0 Constant Djakpa (52.)

Maccabi Tel Aviv - Apoel Nicosia    0-0