Lét hárið fjúka fyrir dreng með hvítblæði

George Bush eldri vekur athygli um þessar mundir vegna hárleysis. Skallinn er þó ekki náttúrulegur þó þessi fyrrverandi forseti Bandaríkjanna sé orðinn 89 ára gamall, heldur rakaði hann af sér hárið til þess að sýna tveggja ára dreng með hvítblæði stuðning.

Lífverðir Bush höfðu rakað af sér hárið til að styðja drenginn, en hann heitir Patrick og er sonur eins úr lífvarðasveitinni. Ákvað forsetinn fyrrverandi því að vera í stíl við sveitina, en auk höfuðrakstursins hafa stuðningsmenn Patricks opnað fjáröflunarsíðu til að standa straum af lækniskostnaði fjölskyldunnar.