Hvatti biskupa til að heimsækja fátæka

Hátt í þrjár milljónir manna söfnuðust saman á Copacabana-ströndinni í Rio de Janeiro í nótt til að hlýða á ávarp Frans páfa sem nú er í opinberri heimsókn í Brasilíu.

Í tölu sinni hvatti Frans alla Brasilíumenn til að rækta trú sína og að gleyma ekki mikilvægi kristinna gilda nú þegar heimsmeistaramótið í knattspyrnu nálgast.

Mótið verður haldið í Brasilíu á næsta ári en Frans páfi, sem er Argentíumaður, ítrekaði að Jesú og trúin snérust um meira en knattspyrnu.

Heimsókn Frans páfa hefur vakið nokkra lukku í Brasilíu.

Hann ávarpaði helstu biskupa og klerka landsins fyrr í vikunni og skipaði þeim að heimsækja fátækrahverfi landsins og hjálpa þeim sem raunverulega eru á fæðiskeri staddir.