Ákærður í 977 liðum- neitar allri sök

Ariel Castro, sem hélt þremur konum föngnum á heimili sínu í Cleveland í yfir áratug, hefur nú verið ákærður í hátt í þúsund liðum vegna málsins.

Castro neitaði allri sök þegar hann mætti í réttarsal í annað sinn á miðvikudaginn. Hann er ákærður í 977 liðum, 512 vegna mannrána og 466 vegna nauðgana og annarra brota. Þá er hann sakaður um að orðið valdur af fósturmissi einnar konunnar, þar sem hann barði hana og svelti á meðan hún var ófrísk. 

Castro hefur verið í gæsluvarðhaldi síðan hann var handtekinn 6. maí síðastliðinn, stuttu eftir að konunum tókst að sleppa.

Amanda Berry, Gina Dejesus og Michelle Knight hurfu sporlaust á árunum 2002  og 2004. Þær voru þá 14, 16 og tuttugu ára. Allar sögðust þær hafa þegið far hjá Ariel Castro sem svo rændi þeim og hélt föngnum á heimili sínu. Dejesus á sex ára dóttur sem hún eignaðist í prísundinni.