Lögreglan skýtur hund til bana

„Hann var ekki bara skotinn, hann var tekinn af lífi,“ segir Leon Rosby, fimmtíu og tveggja ára hundaeigandi og íbúi Los Angeles í Kaliforníu. Hann flæktist inn í ótrúlega atburðarrás á dögunum þegar lögreglumenn handtóku hann.

Rosby var handtekinn þegar sérsveitarmenn voru í lögregluaðgerð í einbýlishúsi í Hawthorne-hverfinu. Hann var þar á gangi ásamt Rottweiler-hundi sínum og tók upp farsímann sinn og byrjaði að taka lögreglumennina upp.

Tveir lögreglumenn horfðu á Rosby í nokkrar sekúndur áður en þeir byrjaðu að labba í áttina að honum. Hann kom þá hundinum sínum inn í bíl og labbaði í áttina að lögreglumönnunum, snéri baki í þá og setti hendurnar fyrir aftan bak.

„Þeir spurðu mig hvað ég væri að gera þarna og ég sagðist vera taka þá upp á símann minn svo ekki yrði traðkað á mannréttindum borgara,“ segir hann.

Hundurinn var ekki sáttur við að sjá eiganda sinn í handjárnum, og byrjaði að gelta í áttina að honum. Hann komst svo út úr gluggann á bílnum og hljóp í átt að eigandum.

Nokkrum sekúndum síðar skaut einn lögreglumaðurinn hundinn til bana. Fjórum skotum var hleypt af - og eigandinn varnarlaus í handjárnum hágrét og öskraði.

Í yfirlýsingu frá lögreglunni segir að maðurinn hafi verið handtekinn fyrir að vera með truflandi tónlist í bifreið sinni, gengið of nálægt lögreglumönnum með risastóran Rottweiler-hund sér við hlið.

Vitni náðu atvikinu upp á myndband og tóku allt saman upp.

Horfa má á myndskeiðið hér að ofan og frétt NBC hér fyrir neðan.