Misræmi í ferilsskrá Snowdens

Uppljóstrarinn Edward Snowden, sem lak upplýsingum um umfangsmiklar hleranir og eftirlit yfirvalda á netinu með almenningi, var ráðinn á sínum tíma til NSA (National Security Agency) á Hawaii þrátt fyrir að fundist hafi misræmi í umsókn hans er varðar námsferil. Reuters greinir frá þessu í morgun og hefur eftir ónafngreindum heimildamanni.

Ekki liggur nákvæmlega fyrir í hverju þetta misræmi felst en sérfræðingar á sviði öryggismála, sérhæfðir í að yfirfara umsóknir, tóku eftir þessu í vor en Snowden virðist hafa náð að sannfæra þá um að ferilsskrá hans væri í lagi, þrátt fyrir brotalamir.