Einkaleyfið á Viagra að renna út í dag

Einkaleyfi Pfizer á stinningarlyfinu rennur út í Bretlandi í dag svo búast má við að aðrir framleiðendur muni hefja markaðssetningu á lyfinu þar í landi á mun lægra verði.

Viagra er notað af milljónum manna um heim allan við stinningarvandamálum. Breskar heilbrigðisstofnanir þurftu að greiða jafnvirði sjö og hálfs milljarðs íslenskra króna af almannafé fyrir lyfið á seinasta ári. Viðbúið að mikið muni sparast þegar samkeppnisaðilar byrja að selja lyfið á mun lægra verði en Pfizer hefur gert hingað til.

Pfizer menn hafa samt ekki sérstakar áhyggjur vegna þess að þeir telja vörumerkið Viagra svo rótgróið að hann telur að neytendur þess muni enn biðja um „Viagra" þegar þeir kaupa sér stinningarlyf.

Viagra kom fyrst á markað árið 1998 og sló þá í gegn. Frægir leikarar á borð við Michael Douglas og Jack Nicholson hafa viðurkennt að nota lyfið.

Nánar er sagt frá málinu á vef Telegraph.