Kínverjar ráku Camacho

Jose Antonio Camacho, fyrrum landsliðsþjálfari Spánverja og Real Madrid, hefur verið rekinn sem landsliðsþjálfari Kínverja. Hann var ekki að ná neinum árangri með liðið.

Kínverjar réðu Camacho í ágúst árið 2011. Undir hans stjórn hefur liðið tapað 11 af 20leikjum. Þar á meðal var 8-0 tap gegn Brasilíu sem er versta tap Kínverja.

Það þótti einnig neyðarlegt þegar Kínverjar töpuðu 5-1 fyrir Tælendingum í fyrra og átti um leið ekki möguleika á því að komast á HM.

Landslið Kínverja féll niður í 109. sæti á FIFA-listanum undir stjórn Camacho en liðið hefur aldrei farið neðar á listanum.

Camacho fékk rúmlega 450 milljónir króna í árslaun hjá Kinverjum. Þeir greiða honum um 500 milljónir króna fyrir að hætta strax en hann átti ár eftir af samningi.