Þrautaganga prentmiðlanna

Í fjölmiðlum vestanhafs er talað um föstudaginn síðasta sem svartan fyrir prentmiðla. Ekki síst virðast götublöðin nú eiga undir högg að sækja.

Meiriháttar samdráttur blasir við götublöðum í New York, þeim Daily News og New York Post. Óhjákvæmilegt virðist að þekktum dálkahöfundum og blaðamönnum verði sagt upp störfum.

Þriðji helsti prentmiðillinn í New York sem telst ekki til hefðbundinnar blaðaútgáfu, Village Voice, hefur átt undir högg að sækja undanfarinn áratug eða svo; fimm ritstjórar hafa hætt  á þessum tíma, lögsóknir hafa dunið á blaðinu og eignarhald hefur breyst tvisvar.

Daily News mun vera við að segja upp 15 starfsmönnum, þeirra á meðal hinni þekktu slúðurblaðadrottningu Joanne Molloy. Blaðamenn hafa vikum saman starfað í skugga yfirvofandi uppsagna. New York Post ætlar að bregðast við fjárhagserfiðleikum og samdrætti með því að bjóða starfsmönnum hlut í blaðinu.

Þrautaganga prentmiðlanna er að verða löng og ströng. Erica Smith, sem var áður ritstjóri samskiptavefs St. Louis Post-Dispatch, hefur fylgst með gangi mála hvað varðar undanhald prenmiðlanna á vef sem hún kallar blaðskurðarvélin eða Paper Cuts. Árið 2012 greindi hún frá 1,859 uppsögnum á bandarískum prentmiðlum.

Nánar er fjallað um málið hér.