Skar hjarta úr hermanni og át það

„Ég sver við nafn Guðs að við munum éta hjörtu ykkar, hermanna hundsins Bashar,“ segir sýrlenskur uppreisnarmaður áður en hann sker hjarta úr hermanni og bítur í það. Þetta sést í myndbandi sem uppreisnarmenn settu á netið í gær.

Mannréttindasamtökin Human Rights Watch fordæma verknaðinn og segja hann hryllilegan og ómannúðlegan. Segir í yfirlýsingu frá sýrlenska þjóðarráðinu að verknaðurinn brjóti gegn siðferði Sýrlendinga.

Maðurinn á myndbandinu er sagður vera Abu Sakkar, leiðtogi herdeildar innan Frelsishers Sýrlands, og segja stjórnarandstæðingar í Sýrlandi að hann verði dreginn fyrir rétt.