Jon Voight frétti af brjóstaaðgerð Angelinu á netinu

Fjölmiðlar hafa fjallað ítarlega um bréf Angelinu Jolie sem birtist í New York Times þar sem hún greinir frá því að hún hafi látið fjarlægja bæði brjóst sín til að minnka líkur á að hún fái krabbamein. Einn þeirra fjölmörgu sem frétti af þeirri miklu aðgerð, sem tók þrjá mánuði, á netinu er faðir Angelinu, kvikmyndaleikarinn Jon Voight. Hann kom af fjöllum þrátt fyrir að hafa hitt dóttur sína fyrir stuttu; en lýsti yfir aðdáun á hugrekki Angelinu. Fréttaflutningur af stirðum samskiptum þeirra feðgina í gegnum tíðina hefur komið fram reglulega eða allt síðan Angelina kom fram á sjónarsviðið.