Reykingar kannabisvindlinga orsaka sjúkdómshlé hjá Crohns sjúkum

Ný rannsókn sem framkvæmd var af vísindamönnum við Tel Aviv háskóla í Ísrael sýnir að reykingar kannabisvindlinga geta útrýmt einkennum hjá sjúklingum með Crohns sjúkdóminn, án aukaverkana.

45% sjúklinga sem fengu vindlinga sem innihéldu tetrahýdrókannabínól (THC), sem er eitt virku efnanna í kannabisplöntunni, höfðu engin sjúkdómseinkenni að átta viknum liðnum. 90% sjúklinganna sýndu jákvæð viðbrögð við reykingunum og tæp 30% gátu hætt að nota steralyf við sjúkdómnum. Allir sjúklingarnir sem reyktu kannabisvindlinga sögðust sofa betur og hafa betri matarlyst, án teljanlegra aukaverkana.

Vísindamennirnir leggja til að rannsóknin verði endurtekin með stærra úrtaki og sjúklingarnir neyti efnanna án þess að þurfa að reykja vindlingana.