Klósettpappír á þrotum í Venezuela

Kreppan í Venezuela hefur nú náð hæstu hæðum en klósettpappír landsmanna er á þrotum. Fyrst gekki mjólk til þurrðar, þá smjör, svo kaffi og mjöl og nú er það klósettpappírinn.

Þarlend stjórnvöld liggja nú undir ámæli frá pólitískum andstæðingum og ber vel í veiði þegar um nauðsynjavarningur sem klósettpappír er annars vegar. En, hin sósíalísku yfirvöld, sem eiga í vök að verjast, hafa lofað að flytja inn 50 milljónir rúlla af klósettpappír og koma í dreifingu. Það var þó lítil huggun harmi gegn fyrir þá sem áttu í erfiðleikum með að finna pappír á miðvikudag.