Týndar í tíu ár - fundust heilar á húfi

Þrjár konur sem hurfu fyrir tíu árum komu í leitirnar ómeiddar í Cleveland í Bandaríkjunum í gær.

Þrír bræður á sextugsaldri hafa verið handteknir grunaðir um að hafa numið stúlkurnar, sem þá voru á táningsaldri, á brott og haldilð þeim nauðugum. Stúlkurnar fundust bundnar á heimili bræðranna. Ein þeirra sagði við þann sem varð fyrir svörum í 911 neyðarsímanum að hún héti Amanda Berry og hafi verið í fréttum undanfarin tíu ár. Hinar stúlkurnar heita Gina DeJesus and Michelle Knight. Málið hefur vakið mikla furðu vestan hafs og reyndar um allan heim og er til umfjöllunar í öllum helstu fjölmiðlum.

Talið er að ein þeirra hafi alið barn í ánauðinni.

Viðtal við bjargvætt stúlknanna, Charles Ramsay

Upptaka af símtali Amöndu Berry í 911