Svekkjandi tap hjá Zulte Waregem

Ólafur Ingi Skúlason og félagar hans í Zulte Waregem misstu af tækifæri í dag til að ná fjögurra stiga forystu á toppi belgísku úrvalsdeildarinnar.

Fyrr í dag tapaði Anderlecht, sem er í öðru sæti, fyrir Club Brugge. Zulte hefði getað náð fjögurra stiga forystu á toppnum en tapaði fyrir Standard Liege á útivelli nú síðdegis.

Zulte heldur þó eins stigs forystu á toppnum þegar fjórar umferðir eru eftir af tímabilinu.

Ólafur Ingi Skúlason var ónotaður varamaður í liði Zulte Waregem í dag.