Heerenveen skellti toppliðinu

Alfreð Finnbogason var í byrjunarliði Heerenveen sem gerði sér lítið fyrir og skellti PSV 2-1 í hollensku úrvalsdeildinni í kvöld. Alfreð Finnbogason skoraði ekki fyrir Heerenveen sem var 2-0 yfir í hálfleik.

Marten de Roon skoraði fyrsta mark leiksins á 8. mínútu eftir sendingu frá Yassien El Ghanassy. Ghanassy skoraði sjálfur annað mark Heerenveen á 38 mínútu og staðan í hálfleik 2-0.

Kevin Strootman minnkaði muninn fyrir PSV þegar fimmtán mínútur voru til leiksloka en topplið hollensku úrvalsdeildarinnar náði ekki að jafna leikinn.



Alfreð var skipt útaf á 86. mínútu leiksins.

PSV er tveimur stigum á  undan Ajax sem á leik til góða en þetta var þriðji sigur Heerenveen í röð og liðið er í 9. sæti með 32 stig.