Í dag eru nákvæmlega fimmtíu ár liðin frá hljóðritun fyrstu plötu Bítlanna, Please Please Me.
Þann 11. febrúar 1963 fór þessi goðsagnakenndi kvartett í hljóðver EMI við Abbey Road í Lundúnum, og hljóðritaði plötuna nánast alla í einum rykk. Platan kom út rúmum mánuði síðar.
Meðal laga á plötunni voru fyrsta smáskífan, Love Me Do, McCartney-lagið I Saw Her Standing There, og hið háværa Twist and Shout.
Upptökurnar kostuðu um 400 pund, en hverjum Bítli voru greidd laun, rúmlega tuttugu pund fyrir daginn.
