Draumabyrjun Drogba í Tyrklandi

Didier Drogba skoraði sitt fyrsta mark með Galatasaray í kvöld, fimm mínútum eftir að hann kom inn á sem varamaður.

Galatasaray vann 2-1 sigur á Akhisar Belediye og skoraði Drogba fyrsat mark leiksins með laglegum skalla á 68. mínútu. Stuttu síðar átti Drogba skot að marki sem var varið, en Burak Yilmaz náði frákastinu og kom liðinu í 2-0 forystu.

Wesley Sneijder, sem kom til liðsins frá Inter í síðasta mánuði, var í byrjunarliði Galatasaray í kvöld. Liðið er nú með átta stiga forystu á toppi deildarinnar.