PSG með þriggja stiga forskot á toppnum

Paris Saint Germain vann 4-0 útisigur á Toulouse í frönsku úrvalsdeildinni í kvöld og náði þar með þriggja stiga forskoti á toppi deildarinnar.

David Beckham, nýr leikmaður liðsins, var hvergi sjáanlegur í kvöld en hann flaug heim til London til þess að ganga frá sínum málum og mun auk þess taka sér nokkrar vikur í koma sér í form á nýjan leik.

Zlatan Ibrahimovic skoraði sitt 20. mark á tímabilinu í sínum 20. leik en hann lagði einnig upp mark fyrir Gregory van der Wiel. Javier Pastore og Mamadou Sakho skoruðu hin mörkin.

Lucas Moura, nýr Brasilíumaður í liði PSG, lagði upp tvö marka liðanna í leiknum þar á meðal mark Ibrahimovic sem kom Parísarliðinu í 2-0 á 36. mínútu.

PSG er með 48 stig í 23 leikjum, þremur stigum meira en Olympique Lyon sem á leik inn á móti AC Ajaccio á sunnudaginn.