Feiti Ronaldo er ekki lengur feitur

Eftir að Brasilíumaðurinn Ronaldo lagði skóna á hilluna hefur hann bætt á sig nokkrum kílóum sem hefur orðið þess valdandi að talað er um Feita Ronaldo til að aðgreina hann frá Cristiano Ronaldo.

Feiti Ronaldo sagði aukakílóunum stríð á hendur á dögunum er hann tók þátt í sjónvarpsþætti þar sem hann létti sig fyrir þjóðina.

Þessi fótboltagoðsögn er búinn að ná frábærum árangri og hefur tekið af sér 20 kíló. Hann ku vera 101 kíló í dag.

Hér að ofan má sjá myndir af kappanum upp á sitt besta og svo sitt versta.