Íslendingar í bikarúrslitum

Theodór Elmar Bjarnason, Elfar Freyr Helgason, Arnór Smárason, Jóhann Berg Guðmundsson og Aron Jóhannsson spila með liðum sínum í bikarúrslitum í Danmörku og Hollandi í dag.

Randers mætir Esbjerg í bikarúrslitum í Danmörku klukkan 13. Elmar og Elfar Freyr spila með Randers en Arnór Smárason er lykilmaður í sóknarlínu Esbjerg.

Í Hollandi verður fróðlegt að sjá hvort þjálfari AZ Alkmaar treysti á krafta íslensku landsliðsmannanna Arons og Jóhanns Berg. Aron hefur skorað þrjú mörk fyrir AZ þrátt fyrir að hafa aðeins spilað 109 mínútur fyrir liðið.

AZ mætir PSV Eindhoven í bikarúrslitaleiknum en leikurinn hefst klukkan 16.