Obama kominn til New Jersey

Barack Obama, Bandaríkjaforseti, er kominn til New Jersey. Þar mun hann funda með Chris Christie, ríkisstjóra, og saman munu þeir kanna aðstæður á hamfarasvæðunum í dag.

New Jersey varð einna verst úti í ofsaveðrinu sem fylgdi óveðurslægðinni Sandy á mánudaginn. Þá er eyðilegging við strendur ríkisins gríðarleg. Einnig varð borgin Atlantic City fyrir miklum skemmdum, þar á meðal er Boardwalk, gönguleiðin fræga, rústir einar.

Fyrr í dag fundaði Obama með stjórnendum FEMA, stofnun almannavarna í Bandaríkjunum.