Hátt í 30 farsímum stolið af sænskum þingmönnum

Nær 30 farsímum hefur verið stolið frá sænskum þingmönnum og starfsmönnum sænska þingsins á undanförnum tveimur árum.

Sérfræðingur í netöryggismálum, Robert Malmgren, segir þetta ógn við öryggið, að því er fréttavefurinn Metro greinir frá.

Þar segir jafnframt að sænska þingið tilkynni lögreglunni að meðaltali um tvo þjófnaði á snjallsímum á mánuði. Nokkrum símanna var stolið erlendis.

Malmgren segir auðvelt að komast að öllum upplýsingum í farsímum hafi menn slíka undir höndum.- ibs