Fjöldamorðinginn umkringdur af lögreglu í Toulouse

Sérsveit frönsku lögreglunnar hefur staðið í skotbardaga í nótt við húsi í úthverfi Toulouse en þar býr maður sem grunaður er um aðild að skotárásinni á gyðingaskóla í borginni fyrr í vikunni. Búið er að handtaka bróður mannsins en tveir lögreglumenn munu hafa særst í bardaganum.

Húsið sem maðurinn býr í er umkringt af lögreglumönnum og samkvæmt síðustu fréttum standa nú yfir samningaviðræður til að fá hann til að gefast upp.

Maðurinn sem hér um ræðir er 24 ára gamall og vitað er að hann hefur tengsl við hryðjuverkasamtökin al-kaída. Í evrópskum fjölmiðlum í morgun kemur fram að franska lögreglan telur miklar líkur á að hann hafi staðið að árásinni á gyðingskólann þar sem fjórir féllu þar af þrjú börn.

Fleiri aðgerðir munu í farvatninu hjá frönsku lögreglunni.