Kung Fu hæfileikar Pamirs vekja hrifningu

Myndband af rússneskum skógarbirnir sem sýnir Kung Fu hæfileika sína hefur vakið gríðarlega athygli. Rúmlega 200.000 manns hafa horft á myndbandið frá því að það birtist á YouTube í síðustu viku.

Björninn heitir Pamir og er af sjaldgæfri undirtegund rússneska skógarbjarnarins. Hann hefur aðsetur í dýragarðinum í borginni Krasnoyarsk í Rússlandi en þar eyðir hann tíma sínum í Kungu Fu æfingar.

Á myndbandinu má sjá Pamir sveifla priki í hringi og virðist björninn skemmta sér konunglega.

En þetta er ekki í fyrsta sinn sem skógarbjörn sýnir kunnáttu sína í bardagalistum. Í maí árið 2010 birtist myndband á netinu þar sem asískur svartbjörn sveiflar löngu priki til og frá. Myndbandið hefur fengið rúmlega 3 milljón áhorf.

Hægt er að sjá æfingar Pamirs hér fyrir ofan. Það er hins vegar hægt að sjá væntanlegan óvin Pamirs æfa sig hér.