Stækkunaraðgerðir æ algengari í Bandaríkjunum

Apotheosis var ekki sáttur við að vera undir meðalhæð. Hann ákvað því að gangast undir fokdýra skurðaðgerð og stækkaði um rúma 15 sentímetra fyrir vikið.

Bandaríkjamaðurinn vill ekki að nafn síns sé getið. Hann kallar sig því Apotheosis. Í guðfræði vísar orðið í þá hugmynd að venjulegur einstaklingur rísi upp á svið guðanna.

Hann er 37 ára gamall og hefur lengi átt í erfiðleikum með hæð sína. „Mig langaði að heimurinn sæi mig eins og ég sé sjálfan mig," sagði Apotheosis í viðtalið við ABC fréttastofuna.

Apotheosis er einn af fjölmörgum karlmönnum sem gangast undir erfiða og kostnaðarsama skurðaðgerð, í þeirri von um að hægt sé bæta nokkrum senímetrum við hæð þeirra.

Skurðlæknirinn Dr. Dror Paley, sem sérhæfir sig í skekkjulækningum, segist framkvæma um 650 fótaaðgerðir á hverju ári. Hann sagði að flestir sjúklinga sinna þjáist af vansköpun eða dvergvexti. Dr. Paley framkvæmir þó fjölda aðgerða í fegrunarskyni.

„Flestir sem gangast undir lengingar aðgerð eru haldnir andlegri vanlíðan gagnvart hæð sinni," sagði Dr. Paley. „Þetta er einn af fáum sálfræðilegum kvillum sem hægt er að lækna með skurðhnífi."

Skurðaðgerðin er afar flókin. Læknar brjóta lærbeinið í tvennt og setja sundurdraganlega stöng á milli beinanna. Stöngin stækkar síðan og ýtir beinunum hægt í sundur - um einn millímetra á dag. Ferlið tekur þrjá mánuði.

Nýtt bein myndast síðan í kringum stöngina. Vöðvar, taugar, húð og vefir vaxa myndast einnig á ný. Aðgerðin kostar 85.000 dollara eða rúmar 10 milljónir króna.