ESB ætlar að banna allt brottkast á fiskimiðum sínum

Sjávarútvegsráðherrar Evrópusambandsins hafa komist að samkomulagi um nýjar og hertar reglur sem eiga að koma í veg fyrir brottkast á fiski á miðum sambandsins. Bannað verður með öllu að kasta fiski frá borði og þung viðurlög verða sett við slíku.

Umhverfissamtök áætla að brottkast á fiski á miðum Evrópusaqmbandsins geti numið allt að 1,3 milljónum tonna á ári. Þar sem þessi fiskur er ekki skráður inn í kvóta þeirra sem veiða hann stuðlar brottkastið að ofveiði á mörgum fiskistofnum.

Í frétt Politiken um málið segir að samkomulag þess sé sögulegt þar sem Evrópusambandinu hefur aldrei áður tekist að setja sameiginlegar reglur um brottkast. Hinsvegar þarf Evrópuþingið að samþykkja ákvörðun ráðherranna.