Eitt stærsta húsið sem hrundi í Christchuch var illa byggt

Ný skýrsla leiðir í ljós að eitt stærsta húsið sem hrundi í jarðskjálftanum í Christchurch á Nýja Sjálandi fyrir um ári síðan uppfyllti ekki byggingastaðla.

Um 115 fórustust þegar húsið hrundi en það var um þriðjungur allra sem fórust í skjálftanum. Rannsóknin leiddi í ljós að skortur var á steypustyrktarjárni í steyptum súlum sem mynduðu undirstöður hússins.

Lögreglan í Christchurch hefur fengið málið til rannsóknar. Í húsinu, sem byggt var 1986, var m.a. rekinn enskuskóli fyrir útlendinga og flestir sem fórust í því voru nemendur frá Japan og Kína.