Stúdentar öskra í geimnum

Stúdentar við Cambridge-háskóla Á Englandi leggja nú lokahönd á verkefni sem mun endanlega skera úr um hvort að kenning breska eðlisfræðingsins Roberts Boyle um að hljóð ferðist ekki um lofttæmi.

Nemendurnir munu skjóta snjallsíma á sporbraut um jörðu sem síðar mun spila hávær öskur nokkurra sjálfboðaliða. Upptökubúnaður í snjallsímanum mun síðan reyna að taka upp ópin.

Kenning Boyles um lofttæmi hefur staðist tímans tönn en hún var sett fram um miðbik sautjándu aldar.

„Auðvelt er að framkvæma tilraunina á rannsóknarstofu," sagði Edward Cunningham, stúdent. „En við áttuðum okkur á því að þessi tilraun hafði aldrei verið framkvæmd út í geimi."

Þannig vilja nemendurnir ganga í fótspor geimfara NASA sem sannreyndu kenningu Galíleó Galílei um jafna hröðun hluta þegar þeir slepptu hamar og fjöður á yfirborði tunglsins.

Samkvæmt kenningum um hreyfingu hluta þá falla þeir á sama hraða og lenda samtímis ef loftmótstaða er ekki til staðar.