Tveir skipta með sér 73 milljarða lottóvinning

Tveir einstaklingar fengu stóra vinninginn í Powerball lottóinu en dregið var um tölur í því í nótt. Þeir skipta með sér 73 milljörðum króna.

Vinningurinn stóð í tæplega 580 milljónum dollara, eða um 73 milljörðum króna, þegar tölurnar voru dregnar út. Hin háa upphæð skýrist af því að fyrsti vinningur í þessu lottói hefur ekki gengið út undanfarnar 16 vikur.

Þetta er þó ekki stærsti lottóvinningur í sögu Bandaríkjanna því í apríl í ár skiptu þrír heppnir einstaklingar með sér vinningi upp á 656 milljónir dollara í Mega Millions lottóinu.