Páfinn varar við hjónaböndum samkynhneigðra

Benedikt páfi varaði við giftingum samkynhneigðra í ræðu sinni sem hann hélt í tilefni þess að bandarískir biskupar eru í heimsókn í Vatíkaninu.

Í ræðu sinni sagði Benedikt að það væru öflug pólitísk og menningarleg öfl sem ynnu hörðum höndum að því að lögleika giftingar samkynhneigðra, hvort sem það væri í Bandaríkjunum eða annarsstaðar.

Páfinn áréttaði einnig þá skoðun sína að kynlíf fyrir hjónaband væri einstaklega syndsamlegt athæfi og skaddaði stöðuleika þjóðfélaga.

Ræða páfans kemur í kjölfar þess að Washington ríki lögleiddi hjónaband samkynhneigðra. Talsverð ólga er á meðal trúaðra í Bandaríkjunum vegna þess að fleiri ríki eru farin að leyfa hjónabönd samkynhneigðra.