Kennari átti óvænt 120 milljarða inn á bankareikningi

Grunnskólakennari á Indlandi varð fyrir töluverðu áfalli í vikunni þegar hann athugaði stöðuna á bankareikingi sínum. Í ljós kom að innistæðan var nær 500 milljarðar rúpía eða yfir 120 milljarðar króna.

Kennarinn, hinn rúmlega þrítugi Parijat Saha hélt í fyrstu að um einhverja bilun væri að ræða að í fartölvu sinni enda taldi hann sjálfur að hann ætti aðeins um 25 þúsund krónur inn á reikningum, Hann fór því í næsta hraðbanka en fékk þá staðfest að hann ætti inni sem svarar til yfir 120 milljarða króna.

Þar sem Saha er heiðarlegur maður hafði hann samband við bank sinn sem er State of India Bank og er ríkisrekinn eins og nafnið bendir til. Þar munu menn hafa orðið nokkuð rauðir í andlitinu þegar Saha benti þeim á að hann væri óvænt orðinn margmilljarðamæringur af þeirra völdum.

Staðan á reikningum hefur verið leiðrétt. Fram kemur í umfjöllun BBC um málið að forráðamenn State of India Bank hafa enn ekki gefið neinar skýringar á þessu máli og neita raunar að gera það. Kennaranum mun hinsvegar hafa tekist að ná þessum 25 þúsund krónum út af reikningi sínum.